Charter Document - 06320264
| Charter Number: | 06320264 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1130 - 1150 |
| Date type: | Assigned |
| Resource Link(s): |
|
Charter:
Ego in nomine Domini Stephanus de Fulgeriis recognoscens peccata mea et volens ea eleemosynis redimere secundum consilium sancti prophete concedo huic sancto loco Marciniacensi et vobis qui habitatores ejus estis et successoribus vestris perpetuo futuris curtillum meum Agimelangis et alterum in vallibus scilicet ad Novam Villam et omnes redditus eorum ac servitium quod debent fideliter et absque malo ingenio ea conditione ut quiete habeatis et pacifice possideatis remota omni contradictione sive calumnia Quod si quis de consanguinitate mea vel posteritate mea aliqua occasione huic dono meo contradicere presumpserit vel injuriam de ipso vobis fecerit iram Dei omnipotentis incurrat et perpetue maledictioni subjaceat Hoc donum facio ego Stephanus pro filia mea nomine Sazia et cum filia mea quam etiam in presentia vestra hic offero Deo et ab actibus seculi remotam ejus servitiis deputo et subjicio Factum publice in manu Archimbaldi prioris apud Marciniacum coram testibus subscriptis Ego Girbertus hoc donum fratris mei laudo S Poncii de Corcelli