Charter Document - 06320221
| Charter Number: | 06320221 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1133 - 1134 |
| Date type: | Assigned |
| Resource Link(s): |
|
Charter:
Ego Aimericus Arvernorum episcopus tam presentibus quam futuris notum fieri volumus quod cum nuper Marciniacum venissemus religiosas feminas visitandi causa Ayma Falconis de Galiniaco mater et cetere domine a nobis quesierunt ut ecclesiam de Linerolis eis in perpetuum possidendam tribueremus et concederemus Quod in presenti capitulo earum concessimus in presentia domni Petri abbatis Cluniacensis per manum domni Petri Guidonis Claromontis decani Hujus rei testes sunt Petrus archipresbyter de Limannia Robertus capellanus ejusdem episcopi et quamplures alii Acta sunt hec anno ab incarnatione Domini millesimo centesimo trigesimo tertio vigilia Epiphanie Domini Hoc etiam Meschinus laudavit et concessit