Charter Document - 06320203
| Charter Number: | 06320203 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1130 - 1150 |
| Date type: | Assigned |
| Resource Link(s): |
|
Charter:
In nomine sancte et individue Trinitatis ego Gerardus miles cognomento de la Barge veniens ad conversionem et suscipiens habitum monachicum in Marciniacensi cenobio aliquid de terris meis proposui dare huic monasterio quod ut perpetuo ratum sit in hac cartula subnotare volui Concedo itaque habitatoribus hujus sancti cenobii Marciniacensis tam presentibus quam perpetuo futuris quicquid hactenus habui in loco qui dicitur Glana scilicet vineas prata boscum terras cultas et incultas ut habeant ex integro ea habitatores hujus loci in possessionem quietam et liberam Factum in manu Archimbaldi prioris solemniter sub testibus annotatis S Gaufredi de Sinemuro S Artaldi de Vilione S Hugonis de la Barge filii ejusdem Gerardi S Dalmacii Morelli S Bonifilii presbyteri S Petri presbyteri