Charter Document - 06320196
| Charter Number: | 06320196 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1098 - 1110 |
| Date type: | Assigned |
| Resource Link(s): |
|
Charter:
Ego Wichardus de Saliniaco recognoscens peccata mea et secundum consilium sancti prophete volens illa eleemosinis redimere concedo cenobio sancte Trinitatis de Marciniaco et his qui ibi Deo serviunt ac successoribus perpetuo futuris mansum meum de Amanziaco ut habeant illum et omnes redditus ejus in liberam et quietam possessionem et ex parte Dei omnipotentis interdico ut nullus de consanguinitate mea aliquid ibi calumniari presumat vel injuriam faciat et ut donum hoc ratum sit perpetuo presenti cartula confirmo Ego Hugo hoc donum fratris mei cum eodem do laudo confirmo Ego Airulphus hoc donum fratris mei cum eodem do laudo confirmo Factum solemniter in manu domni Seguini prioris de Marciniaco Ego Artaldus de Willione laudo et confirmo donum quod in hac cartula scriptum est sicut in ipsa continetur acceptis ab Archimbaldo priore septuaginta solidis sub his testibus S Gaufredi de Sinemuro S Girardi de Sinemuro S Ilionis de Cavanizet S Artaldi de Valle S Willelmi Folcadi et Ildini fratris sui