Charter Document - 06320175
| Charter Number: | 06320175 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1104 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis noverint omnes presentes et futuri quia ego soror Adelissa monasterii Sancti Johannis Eduensis [abbatissa] cum sororibus meis cum pia compassione damus licentiam recedendi a nobis sorori Anne filie Wichardi de Ladosa et Engelgardis quam parvam receperamus et ejus frequenti petitione humilique fratris sui Bernardi Cluniacensis monachi deprecatione ipsi concedimus ut Marciniacum petens ibi pro salute anime sue vigilet memor nostri in orationibus suis Terram etiam quam predicta Engelgardis mater ejus nobis dederat pro susceptione ejus et que sibi in maritatum acciderat ex distributione parentum suorum sine omni retentione ei reddimus per hanc presens cartulam in capitulo nostro laudatam cujus videlicet terre possessio his censetur vocabulis tenementum Jozaldi apud Molendinos novos una vercaria apud Fargias unus mansus apud Arfolias tenementum Brietii unus mansus apud Noiruls Hanc scilicet terram cum redditibus suis reddimus et werpimus ut deinceps ad Marciniacum pertineat accipientes pro caritate bone monete quinquaginta solidos a predicto Bernardo fratre ejus constabulario domni Hugonis abbatis Nomina sororum hoc ipsum laudantium sunt hec Harsendis Odila Unberga Blismodis Emmelina Regina Margarita Tirrea Maria Nomina servientium hoc ipsum laudantium sunt hec Aloinus Gaufridus Rufus Gaufridus Rex Johannes Coquus Uldricus Factum est hoc Pascali papa Romano Narjodo Eduensi episcopo Hugone Cluniacensi abbate [] anno Dominice incarnationis millesimo centesimo quarto indictione duodecima Hoc autem donum sicut scriptum est laudavit postea et per omnia confirmavit Eldricus Esperuns frater predicte Engelgardis de cujus capite terra ipsa pendebat et ita eam werpivit ut nec ipse nec aliquis unquam de progenie ejus ibi aliquid requirat nec juste nec injuste aliquam consuetudinem ibi exigat sed omnino libera ad Marciniacum pertineat Hanc werpitionem fecit idem Eldricus in foresta Sancti Maioli accipiens pro hac re septuaginta solidos a predicto Bernardo monacho audientibus et testificantibus Bernardo de Cacke Achardo de Perderia Artaldo Rafin cum aliis multis in manus Jarentonis decani Cluniacensis Hoc etiam donum postea per omnia laudaverunt apud castrum de Mulinis uxor ejusdem Eldrici et filii ejus Hugo de Sant Prierio Hugo Saget Artaldus in manus predicti Bernardi monachi audientibus Eldino de Viche Artaldo Rafin Fulcone Foresta