Charter Document - 06320161
| Charter Number: | 06320161 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1118 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis ego Girardus de Sinemuro iturus cum Hugone Dalmacio Hierosolymam in memoriam mei ut habeam partem in beneficiis Marciniacensis cenobii relinquo vobis qui habitatores estis hujus loci et successoribus vestris perpetuo futuris mansum meum in villa de Pomerio qui est juxta Balgiacum Hunc mansum concedo vobis et per presentem cartulam confirmo nullam in eo consuetudinem retinens preter hoc quod Ildinus de Lodeto habet ibi pro feudo scilicet duos solidos et dimidium Cetera respondeant vobis et veniant ad vos et ut nullus de posteritate vel consanguinitate mea aliquid in ipso manso requirat unquam vel in redditibus ejus vel injuriam sive calumniam vobis faciat ex parte Dei omnipotentis interdico et omnino prohibeo Pro hoc ego Girardus habui de bonis predicti loci ab Hugone priore sanctimonialum decem libras in adjutorium itineris mei Hierosolymitani Factum publice apud Marciniacum anno millesimo centesimo decimo octavo ab incarnatione Domini sub his testibus S Hugonis Dalmacii S Ildini Tizonis S Willelmi ejus prepositi Hec terra deputata est ad anniversarium domni Alberici abbatis Sancti Benedicti desuper Padum cum aliis duobus mansis juxta Munbertaldum