Charter Document - 06320155
| Charter Number: | 06320155 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1102 |
| Date type: | Assigned |
| Resource Link(s): |
|
Charter:
Notum sit omnibus sancte Ecclesie filiis presentibus et futuris quod domnus Gaufredus filius domni Dalmacii de Sinemuro frater domni Hugonis abbatis Cluniacensis donavit firmiterque concessit loco Marciniacensi quem locum etiam ipse ampliavit cum domno Hugone qui fundavit ut quisquis miles de seniore Sinemuri feodum habens ipsum feodum quocumque loco situm ad locum illum Marciniacum quacumque ex causa dimitteret vel daret aut venderet sive commutaret sic ipsum perpetuo locus ille Marciniacus et ibidem Deo servientes in pace tenerent ac possiderent ut nullus umquam de ejus progenie hanc donationem sive concessionem quam ipse pro sue suorumque predecessorum atque successorum animarum salute fecerat violaret sed sic firma et immobilis permaneret Hoc idem etiam eodem jamdicto tenore donavit et fideliter concessit eidem loco Marciniacensi domnus Gaufredus secundus hujus primi Gaufredi filius qui postea Cluniaci factus est monachus Ad ultimum vero ut hoc donum atque concessum firmum maneret et inconcussum alius tertius Gaufredus Gaufredi videlicet monachi filius in cujus manus jam honor devenerat veniens in presentiam domni Hugonis abbatis cum baronibus suis apud Montemmedium juxta Cluniacum anno Dominice incarnacionis millesimo centesimo secundo indictione decima in manus ejusdem domni videlicet Hugonis hanc eodem supradicto tenore concessit atque fecit donacionem ubi inter cetera laudavit nominatim atque concessit donum quod Hugo Morrerius fecerat Marciniacensi loco de feodo illo quam tenebat de seniore Sinemuri scilicet auctoritate domni Hugonis abbatis in cujus manu factum est hoc donum sive concessum et domni Henrici Cluniacensis prioris domnique Seguini prioris Marciniacensis per cujus manum factum est et multorum aliorum Cluniacensium fratrum [Ut hoc] certum habeatur et ratum istorum tamen testium et audientium testificatione fideliter est roboratum S Hugonis de Laval et Ilii fratris ejus S Hugonis de Sartinis S Willelmi Tome S Isrel S Eldini Tizonis S Hugonis de Oiedia S Duranni Rufi multorumque aliorum