Charter Document - 06320121
| Charter Number: | 06320121 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Lay |
| Charter Type(s): | Revocation |
| Date: | 1063 |
| Date type: | Internal |
| Resource Link(s): |
|
Charter:
Notum sit omnibus presentibus et futuris qualiter Marciniacense monasterium liberatum sit per manum venerandi patris domni Hugonis abbatis in sua presentia et in presentia Petri Ostiensis episcopi apocrisiarii domni pape Alexandri secundi ac domni Adraldi Bremensis abbatis cum aliqua multitudine Cluniacensium monachorum quidam miles nomine Bernardus de Rocachava infestissimis calumniis insequebatur predictum monasterium qui conventus et multis placitis appellatus ab habitantibus monachis scilicet domno Duranno preposito ipsius monasterii cum ceteris fratribus accepit tandem quindecim libras denariorum monete publice In hoc tali tenore reliquit in presentia supradictorum venerabilium personarum omnium querimoniarum ambages quascumque habebat adversus sepedictum locum quod ut plurimum firmum haberetur crucem Dominicam in ipsa relictione manu tenuit et super majus altare quod in honore sancte Trinitatis consecratum est manu propria hanc notitiam confirmavit Reliquit ipse et filii sui Bernardus scilicet Artaldus et Hugo et ii pariter qui filias ejus in matrimonium habebant Willelmus et Ildinus Testes hujus rei sunt Artaldus de Barga Willelmus de Saron Gaufredus de Bonanto Ildinus de Melirenco curte Wichardus Cavazola Gaufredus decanus Actum Marciniaco octavo idus septembris anno millesimo sexagesimo tertio