Charter Document - 06320114
| Charter Number: | 06320114 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1105 |
| Date type: | Internal, A.D., Calendar |
| Resource Link(s): |
|
Charter:
In nomine sancte et individue Trinitatis noverint omnes filii sancte Ecclesie presentes et futuri quod ego Narjodus Eduensis episcopus a Roma rediens juxta petitionem Petri domini pape Paschalis camerarii pro remedio anime mee et pro salute totius mei episcopatus dono Domino Deo et beato Petro Cluniensique cenobio ad locum scilicet Marciniacum ecclesiam Sancti Juliani in Briennensi territorio sitam ut deinceps sine calumnia Marciniaco pertineat ac respondeat quatenus Dominus omnipotens tam mihi quam omni diocesi mihi commisse pacem tribuat presentem et futuram meque participem faciat bonorum omnium que ipse fieri permittet in jamdicto cenobio Cluniacensi et Marciniacensi Hoc donum fideliter feci apud Cluniacum in manu domni Hugonis abbatis tenens ejus baculum et factum per presentem cartam confirmavi anno Dominice incarnationis millesimo centesimo quinto indictione decima tertia epacta tertia videlicet decimo octavo calendas februarii presentibus ac testificantibus Wilencho Lingonensi archidiacono Willelmo archipresbytero de Patriciaco Girardo cognomine Meschino sacerdote de Paredo Paschali papa secundo Romane ecclesie presidente Philippo Francorum rege superstite Factum hoc presentibus et audientibus domno Bernardo Cluniensi priore Seguino camerario Jarentone cellarario Luca armario cum multis aliis