Charter Document - 06320112
Charter Number: | 06320112 |
---|---|
Cartulary Title: | Le Cartulaire de Marcigny-sur-Loire (1045-1144) |
Charter Language: | Latin |
Charter Origin: | Religious |
Charter Type(s): | Agreement |
Date: | 1112 - 1140 |
Date type: | Assigned |
Resource Link(s): |
|
Charter:
Notum sit omnibus tam presentibus quam futuris quoniam de piscatura quadam querela erat inter Hugonem de Buxolio et monachos de Marciniaco tandem hujusmodi querela coram domno Eduensi episcopo Stephano judicatum est in curia ejus ut monachi suam deinceps possiderent piscaturam quam ille conabatur eis auferre Preterea supranominatus Hugo calumniabatur quinque solidos eisdem monachis de quodam manso qui est in villa que vocatur Mons Florum et illos quinque solidos ibidem monachis finivit et pollicitus est ibidem quia quibusdam militibus qui se fatebantur illos quinque solidos habere in feudum nullum amodo super his ferret patrocinium Si vero milites illi qui hunc feudum a domno Hugone se habere dicebant monachos inquietare voluerint dictum est atque ab eodem Hugone stipulatum tantum terre sue dari eis calumniantibus quod illorum quinque solidorum valens esse Hujus vero rei testes fuerunt ipse domnus Stephanus Eduensis episcopus in cujus presentia res est definita ac domnus Hugo prior de Paredo Jarento qui fuit prior de Borbone Uldricus Esperon Umbertus decanus de Varennis Lambertus de Til Wichardus prior de Sancto Germano Girardus Urlud Adalardus famuli Hugo de Buxolio qui habuit pro quinque solidis triginta solidos Cluniacensis monete