Charter Document - 06320108
| Charter Number: | 06320108 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1106 - 1109 |
| Date type: | Assigned |
| Resource Link(s): |
|
Charter:
Manifestum sit omnibus fidelibus Christi quod ego Gaufredus de Sinemuro germanus domni Raynaldi Vizeliacensis abbatis fideliter dedi concessi et obtuli sancte Trinitati et ejus ecclesie Marciniacensi et ancillis Dei in loco ipso Deo servientibus pro salute mea et parentum meorum censum totius frumenti de villa Sancti Juliani Briennensis leges et rectitudinem et omnino cuncta que in eadem villa habebam et possidebam sine aliqua retentione Inde pro his donis et pro hac oblatione accepi a domno Seguino ejusdem loci priore olim camerario venerandi abbatis domni Hugonis ejusdem ecclesie boni fundatoris duo millia et ducentos solidos publice monete Ministri quoque mei et vicarii me volente meque jubente qui huic censui et ville preerant id est Barnabas presbyter et fratres ejus hoc donum mecum fecerunt laudando et confirmando suasque consuetudines quas illic habebant fideliter reliquendo et ipsi pro hoc sexaginta solidos habuerunt faciendo et reliquendo hoc per manum predicti fratris mei domni Rainaldi Vizeliacensis abbatis Hoc feci fide plena in manu domni Seguini prioris superius nominati videntibus et audientibus testificantibus et confirmantibus domno sepedicto germano meo Rainaldo abbate Uldrico Esperone et aliis amicis meis Postquam in capitulo dominarum Marciniacensium feci ego Gaufredus hoc donum accepi librum coram omnibus et super altare posui Deo presentando hoc donum astante domno Wichardo domni Seguini prioris socio et Hugone de Centarbent