Charter Document - 06314246
| Charter Number: | 06314246 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1181 |
| Date type: | Internal, A.D. |
| Resource Link(s): |
|
Charter:
Concessit etiam supradictus Johannes pro animabus patris sui et matris sue et antecessorum suorum ut fratres cistercienses viam quam juxta pratum fecerant que diu in causa fuerat pro qua de rebus ecclesie Johannes ipse quadraginta solidos et dominus Virgeii totidem habuerat prout usus eorum exposceret ampliarent eorumque pastores de nemore bordellos licenter facerent ligna ad calefaciendum acciperent alia vero edificia ibi non facerent Factum est hoc anno ab incarnatione Domini MC octogesimo primo per manum Acelini prioris et Pontii cellerarii cisterciensis coram astantibus Johanne de Ladona Guidone de Fange Hugone crasso et Symone monachis cisterciensibus Aymone de Crespeiis Johanne Bergognen Nicholao auriga Lamberto cellerario conversis Humberto milite de Porta Guidone preposito de Castello novo Petro Chanteraul Bernardo de Corbetaul Ut autem hoc totum ratum possit haberi nullaque violentia vel calumnia in perpetuum cassari vel turbari ego Hugo Burgundie dux rogatu ipsius Johannis cartam hanc sigilli mei impressione signavi