Charter Document - 06313057

Illo quoque tempore Humbertus et fratres ejus Hugo et Henricus ac Rainaldus qui omnes Buscerani appellabantur ac apud Bealnam morabantur habebant terras et prata in predicta possessione Quas terras et prata seu quicquid aliud inibi habebant antedictis monachis se daturos promiserunt si monachi illi eis adquirerent terras et prata ac silvas quas domnus Wido de Troens et Oggerius de Basshei et fratres ejus tunc temporis tenebant quia juris Busceranorum fratrum erant sed milites predicti eis reddere nolebant Quod cistercienses monachi fecerunt terras videlicet predictas et prata ac silvas ab illis militibus ementes ac coram multis testibus illis Busceranis fratribus libere tradentes Tunc illi Buscerani consensu ac voluntate uxoris Humberti primi fratris qui vocabatur Domna concesserunt monachis quicquid apud Musiacum habebant nil inde sibi retinentes Nam pueri ejusdem Humberti Landricus scilicet et Willermus parvi eo tempore erant et ideo fari non poterant Hoc donum predicti fratres super altare sancte Marie cisterciensis cenobii posuerunt Et ratum fuit illa die ex parte monachorum et Busceranorum fratrum coram predicto Widone de Truans et Ocgerio et fratribus ejus et aliis multis testibus ut ab illo tempore nil a monachis Buscerani illi peterent si forte deinceps de terris illis quas tunc receperant et libere possederant dampnum aliquod incurrent Et sciendum quod uxor predicti Widonis et filii ejus et mulier Ocgerii hec omnia laudaverunt