Charter Document - 06310248
| Charter Number: | 06310248 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1182 |
| Date type: | Internal, A.D. |
| Resource Link(s): |
|
Charter:
Ego Matildis comitissa nivernensis notum esse volo presentibus et futuris patrem meum Raymundum dedisse ecclesie cisterciensi ubi et sepultus cum fratre meo filio suo requiescit quadraginta solidos censuales in costumis Vietelli Ego etiam cupiens particeps fieri beneficiorum et orationum totius ordinis Cistercium adii ubi in presentia Johannis prioris et totius conventus eorum orationibus me commendans pro remedio animarum Guidonis comitis Nivernis Petri flandrensis et Odonis et omnium antecessorum meorum sexaginta alios solidos prefate ecclesie dedi in eisdem costumis annuatim persolvendos Constitui igitur ut in festivitate sanctorum Germani et Remigii ministri qui costumas Vietelli recipient singulis annis centum solidos fratribus cisterciensibus absque omni occasione et impedimento in perpetuum solvant vel si fratres cistercienses in die prestituto non affuerunt capellano Vietelli sine contradictione et dilatatione reddant Hujus donationis elemosinam laudavit voluit et concessit Odo de Exolduno filius meus presentibus hiis quorum nomina subscripta sunt Renaudo tunc notario meo Josberto de Amassi Guidone de Nivernis Silvestro tunc preposito Crusiaci Id ipsum etiam voluerunt laudaverunt et concesserunt filie mee Agnes videlicet filia comitis Guidonis et Sibilla filia comitis Petri flandrensis Ut autem donum meum firmum et inviolabile maneat in eternum ad testimonium rei sigilli mei et Hugonis Burgundie ducis impressione de cujus casamento res ipsa est cartam hanc confirmari feci Sunt autem testes hujus donationis mee Ochedex Johannes Colons Aymo de Asei Guido de Tornodo[ro] Walo prepositus de Grinnon Oliverius etiam de Grinnon Herveius et Otho de Safrei Raynerius de Frollex et Guido de Vernerre Actum est hoc anno Verbi incarnati MCLXXXII