Charter Document - 06310247
| Charter Number: | 06310247 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1182 |
| Date type: | Internal, A.D. |
| Resource Link(s): |
|
Charter:
Ego Stephanus Dei gratia eduorum episcopus Notum sit tam presentibus quam futuris quod Agnes domina de Lucenaco et filii ejus Raimundus Hugo Orricus pro animabus suis et pro anima patris sui Galonis et predecessorum suorum donaverunt et conscesserunt domui Cistercii in elemosina quicquid habebant in villa que vocatur Vilers et in territorio ejusdem ville videlicet in hominibus in pascuis in pratis in nemoribus in aquis nichil omnino excipientes Unde fratres cistercienses singulis annis a festo Purificationis beate Marie usque ad Cathedram sancti Petri predicte Agneti vel heredibus ejus ad Lucenacum VI solidos divionensium monete persolvent Hunc vero censum sepe dicta Agnes vel ejus heredes nulli poterunt donare vendere vel impignerare aut alio modo alienare nisi ecclesie Cistercii Sciendum vero est quod fratres cistercienses tantum concesserunt Galoni et domine Agneti et tribus filiis ejus supranominatis quantum pro monacho facere solent Actum est anno incarnati Verbi MCLXXXII in grangia de Galiaco per manum domni Petri cisterciensis abbatis presentibus Bernardo abbate Font[eneti] Philippo Hugone de Cercam monachis Font[eneti] Gauterio quondam abbate Quinciaci Oddo[ne] de Faverneio monacho quibus presentibus Raimundus et Hugo hoc donum domui cisterciensi fecerunt Quando vero domina Agnes et Orricus ejus filius idem donum concesserunt presentes fuerunt frater Cyst[ercii] Oddo Oddo archipresbyter Tull[ionis] Raco presbiter de Lucenaco Milo de Frolles K[a]lo filius Agnes