Charter Document - 06310240
| Charter Number: | 06310240 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1179 - 1180 |
| Date type: | Assigned |
| Resource Link(s): |
|
Charter:
Petrus Dei gratia tusculanus episcopus apostolice Sedis legatus universis fidelibus ad quos littere iste pervenerint salutem in Domino Compositionem per nos et alias discretas personas inter monasteria cisterciense et sancti Germani parisiensis de communi utriusque patris assensu et coniventia factam ad peticionem abbatum et fratrum presentibus litteris adnotatam et per eas memorie posterorum duximus commendandam Convenit igitur inter eos et unanimiter est approbatum ut quicquid eo tempore quo facta est hec compositio fratres cistercienses tenebant super his que ad jus monasterii sancti Germani quomodo libet pertinebant in omni deinceps pace possideant solitos census annuos monachis de Gilliaco reddituri Census tamen sex sextariorum annone augebitur ut novem reddant per annos singulos quorum medietas altera tritici altera sit avene Et sit pax inter eos de decimis et aliis querelis