Charter Document - 06310237
| Charter Number: | 06310237 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1179 |
| Date type: | Internal, A.D. |
| Resource Link(s): |
|
Charter:
Matildis comitissa nivernensis omnibus fidelibus salutem Noverint universi quod Agnes mater mea comitissa dedit ecclesie cisterciensi pro salute anime patris mei Raimundi in elemosinam perpetuam XL solidos singulis annis in festivitate sancti Germani de custumiis Vietelli persolvendos Hanc donationem ego laudavi et confirmavi Preterea pro salute anime patris mei predicti Raimundi dedi in elemosinam perpetuam jam dicte ecclesie LX solidos a ministris vitelliensibus de custumiis Vietelli eadem festivitate persolvendos Hos itaque C solidos volo concedo atque precipio ut abbatia cisterciensis singulis annis in perpetuum accipiat de custumiis ipsius Vietelli omni occasione remota in supradicta festivitate Statui etiam quod si contigerit Vietellum ad desertitudinem devenire isti C solidi ad Grinum vel in reditibus de Grinum annuatim memorate reddentur ecclesie Hanc itaque elemosinam pro remedio anime mee patris mei predecessorum maritorumque meorum cisterciensi dedi et concessi monasterio Hoc laudaverunt filii mei Odo et Guillermus et Agnes et Ida Quod ut ratum et inconcussum in perpetuum habeatur sigilli mei impressione munivi Hujus rei testes sunt Reinerius de Frolleis Guido de Vinerri Osmundus filius ejus Symon de Vietel Columbus prepositus To[r]nodori Silvester prepositus Crusei Reinaudus clericus comitisse Actum est hoc anno Verbi incarnati MCLXXIX