Charter Document - 06310228
| Charter Number: | 06310228 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1176 - 1177 |
| Date type: | Assigned |
| Resource Link(s): |
|
Charter:
Quoniam ecclesiarum redditus eis qui attentius et honestius in ecclesiis Deo deserviunt jure attribuuntur ea racione ego Petrus cabilonensis antistes compatiens ecclesie cisterciensi que nimium debitis censualibus obligata tenetur assensu et laudatione Bernardi archidiaconi et Petri decani oscarensis dedi fratribus inibi Deo famulantibus XII solidos in ecclesia de Brendun annuatim eis solvendos unde ipsi fratres censum quem debent ecclesie balmensi reddant Statui ergo ut presbiter qui ecclesiam de Brendun regendam susceperit fratribus vel ubi ipsi constituerint certo tempore XII solidos singulis annis reddat quod Teobaudus et Petrus nepos ejus qui tunc prefate ecclesie preerant gratanter se explere promiserunt in manu Johannis cellerarii Cistercii Guidonis de Fange Petri decani coram Teobaldo presbitero Corcellarum Girardo de Isorra Humberto Arnaudo Stephano converso Et ut hoc ratum omni tempore permaneat subscriptorum testimonio et sigilli mei impressione confirmavi S Alexandri abbatis Cistercii Guillermi abbatis de Firmitate Gauterii decani cabilonensis Raymundi precentoris Johannis et Guidonis monachorum