Charter Document - 06310220

Ego Henricus Dei gratia eduensis episcopus pactum ecclesiarum Cistercii et sancte Margarete quomodo in hac cartula continetur auctoritate episcopali confirmo et sigilli nostri impressione corroboro Universis Ecclesie filiis per hanc su scripturam notificamus quod ego Hugo sancte Margarete humilis abbas et ecclesie nostre conventus dedimus fratribus Cistercii quicquid ecclesia nostra et ecclesia Montis Helye habebant vel habere debebant in decimis et in omnibus reditibus tocius terre culte vel inculte que infra clausum domini Hugonis rufi avunculi scilicet ducis Burgundie apud Muressalt habetur et contra omnes qui eisdem fratribus aliquid mali super hoc inferre temptaverint nos et ecclesia Montis Helye que in jus nostrum ex concessu et beneficio eduensium episcoporum Humberti et Henrici et canonicorum salvo synodali et episcopali jure devenit fidelem garandiam ferre concessimus et propter hoc fratres cistercienses in suo capitulo me Hugone abbate et Odone de Booi tunc temporis supradicte ecclesie sacerdote presentibus sacerdoti Montis Helye vel ejus nuntio vindemiarum tempore singulis annis septem solidos censualiter solvere promiserunt Actum est hoc in capitulo sancte Margarete presente supradicto Odone tunc te[m]poris Montis Helye et Muressalti capellano qui hoc laudavit et concessit Testes hujus rei sunt Johannes prior sancte Margarete Germanus sacrista Henricus precentor Robertus cellerarius Guido de Dosperes Stephanus de Buce Constantinus de Ogne Arnaldus cellerarius Cistercii Walo qui fuit abbas Buxerie Petrus presbiter de Nui Petrus prepositus Vergiaci Et ut hoc ratum in omni tempore firmum permaneret sigilli nostri impressione et cyrographi attestatione cartam hec continentem confirmavimus