Charter Document - 06310208
| Charter Number: | 06310208 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1172 |
| Date type: | Internal, A.D., Calendar |
| Resource Link(s): |
|
Charter:
Quoniam scripture tenor rei sibi commisse veritatem immutabiliter custodit et recitat ea ratione legentibus et audientibus per hanc scripturam notifico quod ego Stephanus comes Burgundie pro remedio anime mee et animarum patris et matris mee et omnium seniorum meorum pro salute etiam mea et meorum assensu et laude uxoris mee Joete et filii mei Stephani dedi ecclesie Cistercii et fratribus ibidem Deo servientibus in puteo Ledonii de muria ad me pertinente singulis septimanis duas monteas perpetuo in pace possidendas Et quia duarum montearum sal tante domui non sufficeret concessi ut quencumque et quomodocumque duas alias monteas poterint acquirere liberam adquirendi facultatem habeant quia inquantum ad me pertinet laudavi et ne tunc temporis aliquid successores mei ab eis pro laude requirant prohibui Preterea fundum unius baerne quem a Johanne Barun et uxore ejus Sicilia et Duranno genere eorum adquisierunt laudavi eis et concessi Donavi etiam predictis fratribus ut per omnem terram meam et per aquas res proprias libere portent et ducant vendant et necessaria emant absque pedagio venta et eminagio et omni alia exactione Hominem autem unum Giroldum nomine cum omnibus heredibus suis et omni possessione sua liberum et emancipatum ab omni costuma eis tradidi Hec omnia fratribus Cistercii libere donavi et contra omnes qui super his eos inquietare temptaverint me successoresque meos omni tempore fidelem garandiam ferre promisi Et quia ipsi in fraternitate et beneficiis cisterciensis ordinis me receperunt non solum hec supradicta sed et universa que eorum sunt ut fratrum meorum in omni loco do[mi]nationis mee fideliter conservenda suscepi Ad repellandam vero universarum calumpniarum jacula per presentem cartam sigilli mei patrocinio subscriptorum testimonio munitam posteritati mee rei hujus fidem facio et ne unquam meam hanc donationem infringere et helemosine mee fructu spoliare me presumat auctoritate qua possum contradico Actum est primum apud Aussonam anno ab incarnatione Domini MCLXXII V nonis octobris in manu Addonis cellerarii Cistercii Johanne de Ladona coram Roberto priore Vergiaci Guillermo priore sancti Sequani Arpino medico Guidone de Arlai Humberto de Paerna Hugone de Veilai preposito Aussone Bisuntio de Ponteiligr Petro braibenceum Petro crasso Galterio Rege Galterio et Hugone de Flandris Incrastinum veni Divionem et inpresentia Hugonis ducis Burgundie hec me dedisse ecclesie Cistercii recognovi et confirmavi et ut presens scriptum auctoritate sigilli sui roboraret obtinui presente comite matisconensi Girardo fratre meo qui hoc laudavit in manu ducis et concessit