Charter Document - 06310206
| Charter Number: | 06310206 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1171 - 1172 |
| Date type: | Assigned |
| Resource Link(s): |
|
Charter:
Pateat tam futuris quam presentibus quod ego Maria ducissa Burgundie concordiam querens et pacem inter monachos cistercienses et Odonem dominum Marignei de excessu illo et jactura quam monachis fecerat predictis in quadam sua grangia que Destagna dicitur effeci Deo auxiliante et horum discretorum auxilio quod predictus Odo illam bono animo et secundum voluntatem eorum emendavit promittens eis decem libras reddendas de supradicto delicto infra illud spacium temporis quod est a media Quadragesima usque ad festum beati Johannis Baptiste Et nisi reddidisset illas infra predictum spacium de cetero concessit eisdem monachis ex bona voluntate et equo animo pasturam de Gisseio et de Barbareio usque ad octo annos et in fine octo annorum rehaberet predictus Odo pasturam suam et de predictis decem libris omnino in pace esset Et sicut predixi affiduciavit se tenendum et garantiam portare monachis de pastura erga omnes participes predicte pasture in manu Johannis divionensis decani et exinde fidejussionem dedit domnum Haimonem rufum et Willelmum de Orgeolo quod teneret sicut affiduciaverat Hec acta sunt anno quo Hugo dux Burgundie filius meus iter suum pro remedio anime sue Jerosolimam direxit Hujus rei testes sunt Johannes tunc prior Cistercii Jordanus cellerarius Arnaldus cellerarius Johannes de Ladona Haimo rufus Ymbertus de Orgeolo Odo de Lonwi Haimo de Monte regali Jeremias de Monte sancti Johannis Johannes decanus divionensis Nocherius Eschoz