Charter Document - 06310198
| Charter Number: | 06310198 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1171 |
| Date type: | Internal, A.D. |
| Resource Link(s): |
|
Charter:
In Dei nomine ego Hugo dux Burgundie cupiens fieri particeps orationum et spiritualium beneficiorum fratrum Cistercii de quorum orationibus predecessores mei plurimum confidentes ibidem se sepelire fecerunt pro remedio anime mee et parentum meorum cisterciensi ecclesie et fratribus sub professione ejusdem loci Deo servientibus dono et concedo liberam potestatem eundi portandi et vendendi res proprias et emendi ad proprios usus necessaria per omnem terram meam absque pedagio eminagio venta et omni alia exactione vel costuma In omni etiam dominicatura mea plenissimum usuarium eis concedo Et ut breviter multa concludam illa omnia de quibus absque juris contradictione prefata ecclesia investita erat eo anno quo iherosolimitanam aggrediens viam in capitulo Cistercii me orationibus fratrum commendavi cuncta eidem ecclesie laudo et perpetuo in pace possidenda concedo successoribusque meis ut ea fideliter teneant et ab omni laicali manu vel potestate omni tempore defendant supplico et precipio Ut autem hoc donum ratum semper et inconcussum permaneat sigilli mei impressione cartam hanc confirmo Ego etiam Aaliz ducissa Burgundie cum Odone filio meo hoc donum laudo et ad noticiam futurorum sigillo meo consigno Hii interfuerunt et audierunt Johannes prior Cistercii Johannes de Ladona et Vivianus monachi Petrus conversus Nicholaus capellanus Aimo rufus Guiardus de Favernei Bartholomeus camerarius et Johannes frater ejus Guido prepositus de Argilli Hugo major de Argilli Petrus forestarius de Argilli Actum est apud Belnam anno ab incarnatione Domini MCLXXI rege Lodewico regnante