Charter Document - 06310197
| Charter Number: | 06310197 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1171 |
| Date type: | Assigned |
| Resource Link(s): |
|
Charter:
Alexander episcopus servus servorum Dei dilectis filiis Alexandro abbati et fratribus cisterciensibus salutem et apostolicam benedictionem Religiosorum Desideriis annuere et vota que a rationis tramite non discordant effectu prosequente complere debitum commisse nobis auctoritatis exigit et ordo postulat caritatis Ad bone siquidem opinionis spectat odorem et ad commendationem pontificalis officii pertinet erga viros religiosos gratie et humanitatis exhibere solacium et eos benigniori confovere affectu Inde est quod nostri officii debito provocati et vestra nichilominus religione ac devotione inducti vobis de consueta clemencia et benignitate apostolice Sedis auctoritate apostolica indulgemus ut de agris et vineis quas propriis manibus aut sumptibus colitis sive de vestrorum nutrimentis animalium nullus a vobis decimas presumat exigere Decernimus ergo ut nulli omnino hominum liceat hanc paginam nostre constitutionis infringere vel ei aliquatenus contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Thusculani V id februarii