Charter Document - 06310195
| Charter Number: | 06310195 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1170 - 1173 |
| Date type: | Assigned |
| Resource Link(s): |
|
Charter:
Ego Galterus Dei gratia lingonensis episcopus notum facio tam futuris quam presentibus quod domina Emengardis uxor domini Fulconis de Maillei et filius ejus Martellus a assensu et voluntate hominum suorum dederunt Deo et domui Theoloci quicquid habebant in omni territorio de Burberein Contra filium vero minorem Fulconem scilicet quod necdum ad intelligibilem etatem pervenerat vel si quis alius super hoc predictos Theoloci fratres impeteret vel calumpniam moveret predicta domina de Mallei et filius ejus Martellus garantiam se ferre promiserunt Causam vero donationis hujus et modum presentibus litteris inserimus ut posteris innotescat et a memoria modernorum non recedat Fulco itaque dominus de Mallei predicte domine maritus et filiorum ejus pater universe carnis debitum solvens obiit sed pro dampnis et injuriis augustodunensi ecclesie a se illatis longa mora interveniente in terram benedictam sepulturam habere non potuit unde fratres Theoloci rogatu et precibus amicorum matris et filiorum ejus augustodunensi ecclesie dampna restituerunt et ita illorum pennissione in terram benedictam eum sepelierunt et pro ejus anima ab uxore et filiis in elemosinam acceperunt quicquid illi habebant in omni territorio de Burberein Hoc etiam donum fecerunt voluntate et consilio hominum suorum Vidonis scilicet Troselli de Mallei Vidonis Longobardi nepotis ejus Pontii militis de Genlei Vidonis de Chandostre Humberti filii ejus Pagani Botellarii Geradi Jargonii Vidonis Villiei de Voge Vidonis Longobardi nepotis ejus Petri Ravinel Humberti Coni Odelonis de Platea Hujus rei testes Bruttinus decanus Besue domnus Ugo de Mennei domnus Humbertus de Arcu