Charter Document - 06310192
| Charter Number: | 06310192 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1170 |
| Date type: | Internal, A.D. |
| Resource Link(s): |
|
Charter:
Anno ab incarnatione Domini MCLXX ego Hugo dux Burgundie fui in generali capitulo cisterciensi et ibi per manus Guichardi archiepiscopi lugdunensis et Petri archiepiscopi tharentasiensis et Alexandri abbatis Cistercii et omnium abbatum qui aderant in benefitiis et orationibus totius ordinis susceptus pro remedio anime mee et parentum meorum eis largitus sum ut fratres de omnibus abbatiis ipsius ordinis per omnem terram meam securi pergant res proprias absque ullo pedagio minagia venta et omni alia costuma ducant portent et vendant et ad proprios usus necessaria emant Et ne donum hoc mihi et ipsis tam utile ab aliquo Dei inimico et nostro infringatur sigillo meo cartam hec continentem communio Factum est donum hoc in generali capitulo cisterciensi sicut prescriptum est coram archiepiscopis et abbatibus qui convenerant presente avunculo meo comite Stephano de Sancerre Guiardo de Favernei Guillermo de Orgul et multis aliis