Charter Document - 06310190

In nomine Patris et Filii et Spiritus Sancti Notum sit tam futuris quam presentibus quod ego Guido Vergiaci dominus donavi et concessi ecclesie cisterciensi et fratribus ibi Deo servientibus quicquid domnus Erveius de Vergiaco vel quicumque alii de me tenebant in territorio Desten et in omnibus appendiciis ejus in terris cultis et incultis in pascuis in pratis in aquis in nemoribus in justicia ville et in omnibus aliis rebus et contra universos qui aliquid horum calumpniari vellent me firmam et fidelem garantiam ferre omni tempore pepigi et promisi Preterea dedi eisdem fratribus pasturas et usuaria in omni dominio meo tam in bosco quam in plano ita ut si damnum fecerint in prato vel in agro simpliciter sine alia exactione alicujus consuetudinis capitale ipsius damni restituant Ubi vero aliquos habeo participes mecum in fundo possessionis quantum ad me pertinet libera eis usuaria concessi et ut ab aliis participibus quando potuerint sine contradicione adquirant Similiter etiam ubicumque usuaria et pasturas ab hominibus meis de meo videlicet casamento adquirere poterint liceat eis et adquirere et tenere sine contradictione vel mea vel heredum meorum excepto dumtaxat fundo possessionis Omnia autem que domus ipsa cisterciensis ea die tenebat qua presentem donationem feci quecumque ipsa fuerint vel quocumque modo pertinere visa fuerint vel ad dominicatum vel ad casamentum Vergiaci libere in perpetuum et quiete ab ipsis fratribus tenenda concessi ut nulla deinceps super his vel a me vel ab aliquo heredum meorum moveatur calumnia vel reclamatio audiatur Hec omnia laudavit uxor mea Adelaidis et filii mei Hugo et Symon Simul etiam hoc concessimus ut numquam in terra mea alicubi ab ipsis fratribus cisterciensibus venta vel pedagium aut aliqua consuetudo que a secularibus solent accipi requirantur Hec donatio facta est apud Vergiacum ubi presentes aderant testes qui subscripti sunt ipse abbas Cistercii domnus Alexander Johannes de Loona et Engenulfus monachi et Johannes conversus Cistercii Arnulfus decanus Wiardus de Gillans Petrus de Isorra Humbertus capellanus Morinus clericus Johannes luscus Odo de Lambre Lebaldus crassus Odo crassus Hugon Bujun Gaufredus de Valle Constantius rufus Ligerius prepositus et uxor ejus Mirilez Petrus prepositus Libaldus Rabustellus prior de Gille et alii plures Ut ergo donum hoc ratum et firmum et in omnes futurorum generationes inconvulsum permanere posset cum in capitulo cisterciensi presentibus monachis illud confirmassem presentem cartam conscribi feci et sigillo meo consignavi sigillis quoque episcoporum eduensis et cabilonensis et domni ducis per meam petitionem appositis ad majorem omnium que dicta sunt confirmationem Ego Henricus Dei gratia eduensis episcopus ad petitionem ipsius Guidonis de Vergiaco elemosinam hanc in manu mea suscepi et sigillo meo firmavi et manutenendam promisi Similiter ego Petrus cabilonensis episcopus ad petitionem ejusdem Guidonis confirmavi sigillo meo et quantum pertinet ad parrochiam nostram manutenere promisi Ego etiam Hugo dux Burgundie postulante eodem Guidone sigillo meo hec omnia confirmavi et manutenenda promisi Acta sunt hec anno ab incarnatione Domini MCLXVIIII