Charter Document - 06310175

Alexander episcopus servus servorum Dei dilectis filiis Gisleberto abbati cisterciensis monasterii ejusque fratribus tam presentibus quam futuris regularem vitam professis in perpetuum Religiosam Vitam eligentibus apostolicum convenit adesse presidium ne forte alicujus temeritatis incursus eos aut a proposito revocet aut robur quod absit sacre religionis infringat Ea propter dilecti in Domino filii vestris justis postulationibus clementer annuimus et prefatum monasterium in quo divino mancipati estis obsequio sub beati Petri et nostra protectione suscipimus et presentis scripti privilegio communimus statuentes ut quascumque possessiones quecumque bona idem monasterium in presenciarum legitime possidet aut in futurum concessione pontificum largitione regum vel principum oblatione fidelium seu aliis justis modis Deo propicio poterit adipisci firma vobis vestrisque successoribus et illibata permaneant In quibus hec propriis duximus exprimendi vocabulis locum ipsum de Cistercio cum terris pratis aquis silvis pascuis et omnibus pertinenciis suis abbatiam de Firmitate abbatiam de Pontiniaco abbatiam de Claravalle abbatiam de Morimundo abbatiam de Pruliaco abbatiam de Curia Dei abbatiam de Bonavalle abbatiam de Helemosina abbatiam de Oratorio abbatiam de Buxeria abbatiam de Miratorio abbatiam de sancto Andrea abbatiam de Balanciis abbatiam de Personia abbatiam de Erivado abbatiam de Obezinna ex dono Odonis ducis Burgundie in foresta ejus plenaria usuaria in omnibus preter exartationem et in tota terra sua libera usuaria ubicumque terram habet grangiam de Saleis cum adjacentibus terris pratis aquis silvis pascuis decima et omnibus pertinenciis suis ex dono abbatis et capituli sancti Benigni Divionis et Aimonis domini de Tilecastro Guidonis de Claromonte et aliorum heredum grangiam de Tharsulia cum adjacentibus terris pratis aquis silvis pascuis decima et pertinenciis suis ex dono Godefridi lingonensis quondam episcopi et capituli sui et Guerrici de Vergiaco Bartholomei de Curcellis Humberti Ernaldi Odonis et Guidonis de Troan fratrum et Girardi nepotis eorum et abbatis sancti Stephani divionensis et capituli ejus grangiam de Breteniaco cum adjacentibus terris pratis silvis aquis pascuis decima et omnibus pertinenciis suis ex dono Severici de Vergiaco et Ysabellis uxoris sue Hugonis blanchi et abbatis sancti Germani parisiensis et capituli sui Dodonis de Mareniaco et heredum suorum et Garulphi grangiam de Roseriis cum adjacentibus terris pratis silvis pascuis et omnibus pertinenciis suis ex dono Guidonis de Puncta et Petri de Grenant Hugonis Fusticuli et Humberti fratrum ex dono Godefridi quondam lingonensis episcopi et prioris sancti Marcelli et capituli ejus cabilonensis decimam ejusdem loci grangiam de Jargolio cum adjacentibus terris pratis silvis et pascuis ex dono Saverici de Vergiaco et Ysabellis uxoris ejus et Odonis viridis et decimam ejusdem grangie ex dono Stephani eduensis episcopi cui vergiacenses canonici eam concesserunt terram de Buia cum bosco et plano pascuis et pratis grangiam de Sten cum adjacentibus terris pratis pascuis silvis et decima ex dono prioris de Vergiaco et capituli sui Lebaldi crassi Guerrici de Vergiaco Guidonis Jabuz Guidonis de Sumbernun Guidonis Tafu Gualonis Mothet et Bertrani de Vergiaco grangiam de Crispeiis cum adjacentibus terris pratis silvis pascuis et decima ex dono capituli sedelocensis partem terre de Albania ex dono capituli eduensis grangiam de Thantheneis cum adjacentibus terris pratis silvis piscationibus aquis pascuis et decima ex dono Henrici abbatis de sancto Johanne de Angelis et capituli sui Symonis et Hervei dominorum de Vergiaco et Hugonis de Soliaco grangiam de Moisiaco cum adjacentibus terris pascuis silvis pratis aquis decima et omnibus pertinenciis suis ex dono Bernardi de Rualata Humberti et Reinaldi fratrum et Joceranni de Curteberthaldi vineas de Parcis cum decima et vineas de Divione et de Muresalt Sane laborum vestrorum quos propriis manibus aut sumptibus colitis sive de nutrimentis vestrorum animalium nullus omnino a vobis decimas presumat exigere Preterea sentenciam quam discussa coram nobis controversia que inter vos et eduenses canonicos fuerat diucius agitata super pascuis de Beligniaco que quidem vobis adjudicavimus et super habitationibus de terra de Albana removendis communicato fratrum nostrorum consilio promulgavimus sicut in scripto nostro autentico super eadem sententia facto noscitur contineri vobis auctoritate apostolica confirmamus et eam inconvulsam perpetuo manere sancimus Decernimus ergo ut nulli omnino hominum liceat prefatum monasterium temere perturbare aut ejus possessiones auferre vel ablatas retinere minuere seu quibuslibet vexationibus fatigare sed illibata omnia et integra conserventur eorum pro quorum gubernatione ac sustentatione concessa sunt usibus omnimodis profutura salva Sedis apostolice auctoritate Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo terciove commonita nisi presumptionem suam congrua satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo Corpore et Sanguine Dei ac Domini redemptoris nostri Jhesu Christi aliena fiat atque in extremo examine districte subjaceat ultioni Cunctis autem eidem loco sua jura servantibus sit pax Domini nostri Jhesu Christi quatinus et hic fructum bone actionis percipiant et apud districtum judicem premia eterne pacis inveniant Amen Amen Domine demonstra michi vias tuas Benevalete + Ego Alexander catholice Ecclesie episcopus SS + Ego Hubaldus presbiter card tt sancte Crucis in Jerusalem SS + Ego Henricus presbiter card tt sanctorum Nerei et Achillei SS + Ego Johannes presbiter card tt sancte Anastasie SS + Ego Guillelmus tt sancti Petri ad Vinc[u]la presbiter card SS + Ego Jacintus diac card sancte Marie in Cosmydyn SS + Ego Oddo diac card sancti Nicholai in carcere tulliano SS + Ego Boso diac card sanctorum Cosme et Damiani SS + Ego Cinthyus diac card sancti Adriani SS + Ego Petrus diac card sancti Eustachii juxta templum Agrippe SS + Ego Manfredus diac cardinal sancti Georgii ad velum aureum SS + Ego Hubaldus hostiensis episcopus SS + Ego Bernardus portuensis et sancte Rufine episcopus SS + Ego Gualterius albanensis episcopus SS Datum Senonis per manum Hermanni sancte Romane Ecclesie subdiaconi et notarii IIII nonas februarii indictione XII incarnationis dominice anno MCLXIIII pontificatus vero Domni Alexandri pape III anno VI +