Charter Document - 06310168
| Charter Number: | 06310168 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1164 |
| Date type: | Internal, A.D. |
| Resource Link(s): |
|
Charter:
Ego Henricus Dei gratia eduensis episcopus noticie tam modernorum quam posterorum tradere curavi pactum de territorio Destanni quod inter se iniere monachi Cistercii et monachi Vergiaci et in presentia nostra relatum cognovere Tradiderunt siquidem monachis Cistercii inperpetuum possidendum monachi Vergiaci ipsum territorium de Desten quicquid in eo sui juris erat in terris cultis et incultis nemoribus pratis aquis decimis et in cunctis rebus que ibi possederant nichil sibi omnino retinentes preter ligna ad vasa sua et proprias domos Vergiaci edificandas et famulorum suorum illorum scilicet tantum qui cotidianas prebendas in domo eorum accipiunt Monachi vero Cistercii monachis Vergiaci dederunt in introitu rei LXXX libras et centum agnos et XXV solidos ad procurationem unius prandii monachorum et annuatim reddent XL sextarios annone ad mensuram Divionis que tunc temporis erat medietatem frumenti et medietatem ordei talis scilicet quale ipsa terra portaverit Hic census infra XV dies post octabas Pasche reddetur sed si eum vergiacenses non requisierint aut accipere noluerint cistercienses immunes erunt a culpa Porro de prefato territorio de Desten sicut prior Vergiaci Johannes apud Sedelocum Robertum priorem Cistercii per quasdam litteras investivit in presentia nostra IIII idus maji sic iterum ipse prior Johannes apud Belnam investivit me et ego mox abbatem Cistercii Gillebertum jussu et voluntate ipsius investivi per istam cartam et hec omnia que facta sunt concessi et sigillo nostro munivi Preterea concessi et dedi fratribus et amicis nostris Cistercii altare et ecclesiam de Desten ut cum omni libertate faciant grangiam suam in perpetuum et per hanc eandem cartam investivi Guillebertum abbatem Cistercii ipsi vero post obitum meum facient anniversarium meum Hujus rei testes sunt Petrus episcopus Cabilloni Willelmus abbas de Firmitate Wichardus abbas de Maceriis Aldebertus decanus Sedeloci Robertus archipresbiter Cabilloni Gauterius archipresbiter eduensis Hugo dapifer episcopi eduensis Rainerius de Monrevel Fromundus rufus clericus Cabbilloni Wido decanus de Fange Gilbertus presbiter de Bainos Robertus de Tollon qui hanc cartam sigillavit Seguinus monachus de Firmitate Lebaudus monachus de Maceriis Arnaldus cellerarius Cistercii Petrus monachus Cistercii Anno ab incarnatione Domini MCLXIIII facta sunt hec et scripta