Charter Document - 06310167

Noverint omnes Ecclesie filii tam presentes quam futuri quod Johannes prior Vergiaci voluntate et assensu totius capituli sui quicquid ecclesia vergiacensis habebat in loco qui Destannum dicitur tam in terris cultis quam incultis nemoribus pratis et aquis decimis et in omnibus que ibi possederant monachis Cistercii in perpetuum possidendum tradiderit eo scilicet tenore ut monachi cistercienses monachis Vergiaci annuatim quadraginta sextarios annone reddant ad mensuram Divionis que tunc temporis erat medietatem frumenti et medietatem ordei talis quale terra ipsa portaverit Et sciendum quod idem census infra quindecim dies post octavas Pasche reddetur Sed si monachi Vergiaci eum non requisierint aut accipere noluerint monachi Cistercii immunes erunt a culpa Verum hoc monachi vergiacenses sibi retinuerunt ut in nemoribus Destanni ligna acciperent ad vasa sua et proprias domos Vergiaci edificandas tam ipsi quam famuli eorum illi duntaxat qui cotidianas prebendas in domo eorum accipiunt Hoc pactum laudaverunt et priorem Cistercii investierunt monachi et famuli vergiacenses quorum hic nomina continentur Johannes ipse prior Vergiaci Bernardus prior claustralis Bernardus decanus Guido de Valle Agano Petrus de Marriniaco Rodulfus Sichardus Richardus Achardus Rannulfus Guido monachi famuli Nicholaus major Henricus major Petrus signarius famulus Arnulfus cocus Iterum cistercienses et vergiacenses monachi inter se statuerunt ne a quolibet priorum Vergiaci monachi cistercienses prefatum censum in vadimonium vel aliquam commutationem acciperent absque consensu totius Vergiaci capituli Ut autem cistercienses habere possent predictum territorium de Destanno monachis vergiacensibus dederunt octoginta libras et centum agnos in principio et introitu rei Ex his vero famuli habuerunt partes suas Dederunt cistercienses etiam XXV solidos ad procurationem unius prandii vergiacensium Et pro unoquoque monachorum vergiacensium cohabitantium ibi et morientium cistercienses in morte facere promiserunt sicut pro suis et vergiacenses similiter pro cisterciensibus se promiserunt acturos Promiserunt etiam vergiacenses cisterciensibus de hoc territorio Destanni de eo scilicet quod ad jus suum pertinebat legitimam garantiam portare Et ut ea que prediximus firma et illibata permanerent in presentia domni Heinrici tunc temporis eduensis episcopi recitata et confirmata sunt et rogatu utriusque partis sigillo ipsius roborata et nomina testium qui ibi affuerunt videlicet apud Sedelocum inferius sunt notata Seguinus eduensis decanus Rainnardus de Glene Osbertus de Tilio Jacobus et Rainerius de Voidenai nepotes ejus Gaufredus prepositus Sedeloci Seguinus major Sedeloci Cannio de Monteregali Humbertus monachus de Channe et Rainnerius monachus Clarevallis Hoc idem pactum postea recitatum et confirmatum est in presentia Hugonis ducis Burgundie et rogatu utriusque partis sigillo ipsius roboratum Nomina vero testium qui ibi affuerunt hec sunt Galterius lingonensis episcopus Guido decanus de Fu[n]ge Johannes de Belna decanus Divionis Josbertus de Grance Haimo rufus Guerricus miles Vergiaci Facta sunt autem hec anno ab incarnatione Domini millesimo centesimo sexagesimo quarto Lugdovico rege Francorum regnante Henrico eduensi episcopo Hugone duce Burgundie nepote ipsius Gilleberto abbate Cistercii existente