Charter Document - 06310166

Dominus Guido vergiacensi[s] movit querelam adversus ecclesiam Cistercii pro his que hic notantur pro territorio scilicet de Saulis pro territorio Lastricii pro prato Humbaldi de Britiniaco pro muro ante vineam facto pro petraria coram cellario pro via que in alteram partem vinee versa est pro maceria etiam que eandem vineam cingit pro vinea de Columbe monasterio pro pascuis de Poisols pro pratis de Ursenz et piscationibus de Tanteneis et pro omnibus que ad eum pertinebant Hec ergo querela Spiritu ut crediums flante divino taliter terminata est anno ab incarnatione Domini MCLVII kalendis septembris habito colloquio ab utraque parte de his et pace firmanda tandem ad hoc ventum est ut predictus dominus W[ido] calumpniam istam in manu domni Lamberti tunc temporis cisterciensis abbatis relinqueret et in ipso die qui tercius habetur a festo sancti Bartholomei apostoli omnia hec que supra nominata sunt pro quibus querela orta est sancte Marie Cistercii fratribusque Deo ibidem servientibus jure perpetuo libere possidendum concessit et dedit insuper et si quid in his juste calumpniabatur Deo et ejus gloriose matris memoratisque monachis ut jam dictum est perfecta donatione concessit Sed et si ulterius calumpnia quolibet movente in his emiserit defensorem se et responsorem fore popondit Sed et pro omnibus quecunque vel ab ipso vel amplius decessoribus suis sive ab hominibus suis domus cisterciensis vel per elemosinam vel per donationem vel per emptionem vel quocunque modo alicubi adquisierat et eodem tempore possidebat hoc idem se facturum devota mente promisit Testes sunt Angelerius Hugo Aimo monachi Cistercii Petrus prepositus ipsius Wido Aimo de Merrinni Hugo de Parrici Robertus de Vilei milites Christianus cementarius Cluniaci Et quoniam hec extra Cistercium facta sunt in territorio videlicet de Nui Cistercium se ire promisit et omnia hec illic coram monachis pacturum Quod et fecit feria II sequentis hebdomade et coram his Rotberto abbate de Danis Rotberto priore Cistercii Angelerio Stephano Bliardo Christiano Hugone monachis Wilano presbitero de Fainai Odone de Lambre Petro de Barges Silichero de Lasart Arbelino Deinde stimulante illo qui paci et quieti sanctorum non desinit invidere surrexit Savaricus filius Hervei Vergiaci cognatus ipsius prefati Guidonis adversus fratres Cistercii et calumpniatus est eis quedam pascua et nemora terras prata nec non et piscaturas aque Sed postea resipiscens et se male et injuste confitens egisse universa que calumpniabatur dimisit in manu domni Gilleberti abbatis Cistercii per quendam baculum ybernie quem ipse abbas ferebat in manu Non solum autem que calumpniabatur dimisit sed quecumque fratres Cistercii habebant que ad jus et potestatem patris sui pertinebant in perpetuum concessit eis sic et cognatus ejus domnus Wido Vergiaci antea concesserat Hujus rei testes sunt Rotbertus prior Cistercii Bliardus Humbertus de Ladona monachi Cistercii Gauterius conversus magister Jergulii Girardus canonicus eduensis Hugo miles de Villa Gauterius prepositus Hervei Vergiaci et Petrus frater ejus