Charter Document - 06310157
| Charter Number: | 06310157 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1160 |
| Date type: | Assigned |
| Resource Link(s): |
|
Charter:
In nomine sancte Trinitatis Ego Henricus sacerdos de Castello novo do Deo et sancte Marie et fratribus Cistercii vineam meam de Craee et vineam meam de Corton et quicquid ibidem edificabo et mansum meum de Gigni et campum meum de Puseth et pratum meum de Conmeer et chimbram que est juxta eam quam Henricus sacerdos nepos meus eis dederat Horum omnium fructus ad usum vite mee de manu predictorum fratrum retineo redditurus eis annis singulis tempore vindemie modium unum vini ita ut post obitum meum omnia libera et quieta fratribus eisdem remaneant In presenti autem chimbram meam que juxta viam est do eis libere et quiete in perpetuum possidendam Porro filium meum Christianum offero Deo et monasterio prefato et cum ipso mansum Gisleberti in quo edificavi vineam et campum de ulmo et vineam que partitur cum ea quam Fulredus eisdem donavit ea dumtaxat ratione ut si ipse puer cum ad annos discretionis venerit intrare voluerit monasterium cum ipso omnia habeant sin autem puer fructus in vita sua habebit ita ut res ipsas nec dare nec vendere nec impignorare possit et pro recognitione annuatim monasterio reddet pro duobus campis juxta ulmum unum sextarium vini pro vinea que partitur cum vinea Fulredi unum Quam cito vero puer obierit vel habitum religionis acceperit omnia libera et quieta monasterio maneant Do insuper eis in presenti domum meam de Belna quam teneo de Rainaldo de Grandi Campo sub censu quinque solidorum Porro filios meos qui ab omni dominio liberi sunt Petrum et Johannem et Bernardum fratrem Petri et Humbelinum ipsis volentibus et se ipsos et sua dedentibus offero monasterio predicto prout Ordo eos suscipere potest et subvenire eis Horum omnium sunt et testes et auctores nepotes mei Henricus de Chenevex et Johannes de Pontiz Ego Christianus filius ejus hoc totum laudavi et cartam istam sigillo decani belnensis sigillari feci