Charter Document - 06310156
| Charter Number: | 06310156 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1157 - 1163 |
| Date type: | Assigned |
| Resource Link(s): |
|
Charter:
Quidam sororius Ainardi de Salinis dedit Deo et ecclesie sancte Marie Cistercii unum bullionem salis qui fuerat ei datus in matrimonio cum uxore sua annuatim in caldaria salinaria quam cistercienses apud Salinis acquisierant Mortua vero uxore sua et ipse postea defunctus est uterque eorum sine liberis Unde predictus Ainardus movit querelam adversus fratres Cistercii dicens hereditatem sororis sue se velle recuperare sed tandem post multas querelas predictam calumniam ex toto remisit et quicquid aliud in predicta caldaria juste vel injuste calumpniabatur sal vel ignem vel aliud aliquid totum concessit Deo et ecclesie sancte Marie Cistercii in perpetuum nichil sibi in ea vel heredibus suis retinens hoc ipsum laudantibus uxore sua et omnibus liberis suis qui propter hoc habuerunt XI solidos in vestes et pater eorum Ainardus LX solidos Testes Landricus miles et soror ejus Odierna Stephanus canonicus et Willermus frater ejus Guido de Canali Petrus filius Duranni Fromundus omnes milites de Salinis Martinus homo noster Addo cellerarius in cujus manu hoc factum est Et sciendum quod predicta caldaria salinaria omnino libera et ab omni censu et exactione vel tributo nullam omnino consuetudinem alicui dans nisi tamen in reparatione putei vel edificiorum que ad eundem puteum pertinent sicut alii ejusdem ville Testes hujus libertatis sunt Bonaldus et Nivo Landricus miles et soror ejus Odierna Ainardus et Martinus de Salinis et plures alii ex eadem villa