Charter Document - 06310144
| Charter Number: | 06310144 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1151 - 1155 |
| Date type: | Assigned |
| Resource Link(s): |
|
Charter:
Ego Goscevinus dictus abbas cisterciensis Boniolo de Argilli curam cere custodiende et recolligende quam dono ducis Burgundie ad opus luminarium domus cisterciensis in nemore Bannol libere et quiete diu possederat quo ad usque michi sive successoribus et fratribus prefate domus bene placeret et expedire videretur commisi in presentia domni Roberti prioris Angelerii Haimonis Rotberti Girberti monachorum eo pacto ut sicut ipsi simplici et bona fide hanc curam commisi absque omni calumpnia et reclamatione quandocumque ego sive fratres prefate domus vellent mutare et alii committere possent