Charter Document - 06310111
| Charter Number: | 06310111 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1140 |
| Date type: | Assigned |
| Resource Link(s): |
|
Charter:
Sciant omnes sancte ecclesie filii canonicos latunnensis ecclesie cum assensu abbatis sui Seguini concessisse Deo et sancte Marie cisterciensi et monachis ejusdem loci tempore bone memorie domni Stephani abbatis eorum quicquid in territorio ambiliacensi illuc usque possederant Et hii testes Philibertus tunc temporis cisterciensis ecclesie prior Hugo monachus ejusdem loci Theodericus de Panniaco et canonici de Latunna Humbertus Ricardus Philibertus Maino et alii quam plures Quod donum postea aliquanto elapso tempore cum jam monachi vergiacensis castri ecclesiam Latunne haberent in presentia domni Brocardi prioris eorum et quorumdam fratrum suorum Rainardi etiam supradicti loci Cistercii abbatis in claustro prefate ecclesie Latunne recognitum et laudatum est Ab utraque etiam parte abbatis scilicet cisterciensis et prioris vergiacensis et fratrum eorundem ibidem firmatum est ut monachi cistercienses singulis annis ecclesie latunnensi VI nummos divionensis monete in memoriam hujus doni reddant Et hoc factum est his presentibus Girardo domno [de] Pulleio Widone de Chalvis Girardo de Basseio Girardo majore Henrico Bering[er]o majore de Eschinun Philiberto Ricardo monachis