Charter Document - 06310109

In nomine sancte et individue Trinitatis Amen Si precibus ecclesiasticis quando pro suis vel pauperum Christi molestiis vel indigentiis diligenter obtemperamus non solum in hoc regium morem exercemus verum etiam ipsum matris ecclesie sponsum ad nostri misericordiam summopere coartamus Ego igitur Ludovicus Dei gratia in regem francorum sublimatus notum fieri volo tam futuris quam et instantibus quam religiosis ecclesiis cisterciensi pontiniacensi clarevallensi ceterisque omnibus ex omnibus prodeuntibus annuente regina et karissimo filio nostro Ludovico in regem sublimato donamus atque in perpetuum concedimus ut nullus publicus judex nullus prepositus nullus insuper ministeralium nostrorum exigat vel requirat sive ab ipsis sive ab eorumdem famulis in propriis scilicet rebus pedagium rotaticum theloneum vel aliquas alias consuetudines sed liberi et quieti tam per terram quam per aquam ab omni consuetidine eant et redeant Quod ne oblivione valeat deleri scripto commendavimus et ne possit a posteris infringi sigilli nostri auctoritate et nominis nostri karactere subter firmavimus Actum Parisius publice in palatio nostro anno incarnati Verbi MC tricesimo quinto regni nostri XXVII Astantibus in palatio nostro quorum nomina subtitulata sunt et signa S Radulphi dapiferi Viromandorum comitis S Guillermi buticularii S Hugonis constabularii S Hugonis camerarii Datum per manum Stephani apud Karoli locum