Charter Document - 06310100
| Charter Number: | 06310100 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1134 - 1140 |
| Date type: | Assigned |
| Resource Link(s): |
|
Charter:
Hunbertus Dei gratia bisontinus archiepiscopus venerabili patri R[ainardo] cisterciensi abbati et ejus fratribus eorumque successoribus imperpetuum Officii episcopalis est loca religiosa diligere pacem eis querere quesita tueri et ea semper benedictionibus atque beneficiis adjuvare Unde nos venerabilis pater vestre sanctitatis gratia velut odore suavitatis admodum delectati decimas grangie vestre de Tentenens ad ecclesiam de Paigne pertinentes monasterio vestro perpetua remissione indulsimus Teodorico presbitero qui easdem decimas a nobis investitus tenebat ob id eas nobis reddente et ut vobis darentur fideliter postulante Actum Bisontii in claustro episcopali sollempniter coram testibus Pontio abbate Speciosevallis Petro abbate de Caritate Narduino priore Montis Benedicti per manum Petri decani sancti Stephani camerarii nostri presentibus Hugone precentore sancti Johannis Ewangeliste et Manecaldo tresaurario Quicumque ergo hanc nostram donationem sciens eam in aliquo temerare presumpserit anathematis vinculo sic innodetur ut nisi prius vobis digne satisfecerit numquam mereatur absolvi