Charter Document - 06310079

Notum sit omnibus quod domina virziacensis castri Elizabeth nomine pro terra Gergulii quam Pontius et uxor ejus Avelina et Odo frater ejusdem mulieris illuc usque tenuerant dedit eis nummos et panes quos reddere solent homines de Wallurhe et de Quinci pro affuiagio silve de Engincurt et dedit eis fuiagium de Segroith et sex sextarios annone et unum quartarium in valle Vergiaci et terram Amieti de Merhre exceptis vineis et dimidium molendinum Durandi cum terra eidem molendino pertinenti vel X solidos si molendinum nequit quietum facere Dedit eis etiam justiciam illam quam habebat in Arnulfo de Puisath et quietum clamavit Deo de placito generali ita quod et Arnulfus et qui in eadem manebit quietus erit inde a domina et a Pontio Hec dedit eis domina ut Gergulium redderent liberum Deo et sancte Marie cisterciensi Pro quo etiam et Hugo albus dedit eis hoc quod habebat in decima de Nui pro redemptione anime sue Insuper dedit eis domina duos equos et quatuor libras et X solidos et nodellum aureum Kalendis igitur aprilis in castro virgiacensi apud sanctum Dionisium coram clericis et militibus castri et alio populo reddiderunt idem Pontius et Odo et Avelina totam terram de Gergulio in manu domine ita quod omnino nichil sibi retinuerint nisi forte si idem Pontius proprios porcos non alienos ponere voluerit in silva ponet absque datione mercedis Et si domum propriam in Virziaco vel in Ternant edificare voluerit accipiet ligna in silva Gergulii Dedit etiam idem Pontius pro anima sua predicto monasterio unum mansum quod in Gergulio emerat de proprio censu Diffinitum est etiam ut si forte domina vel heres ejus Pontio et Odoni vel heredibus eorum aliquo tempore voluerint facere de his injuriam non revertentur pro hoc ad recuperandum super Gergulium vel in rebus monasterii sed semper ad eandem dominam vel ad heredes ejus Hoc concesserunt et ut scripto firmaretur jusserunt Domina vero receptam terram Gergulii ex integro reddidit eam totam integre et pure nil sibi penitus retentans sancte Marie cisterciensi in manus monachorum ejusdem loci Johannis et Nevelonis pro anima sua et antecessorum suorum presentibus et videntibus et audientibus testibus subscriptis Henrico archipresbitero et canonicis Henrico Hariero Gisleberto Leibaldo crasso et filiis ejus Setfrido et Guidone et Odone Sunt etiam testes Hugo albus et Arnulfus cornutus et filius ejus Rainaldus Odo de Muilli Rotfridus de Ursentio Bernardus de Porta cum duobus filiis suis Gaulterio et Belesmo Acardus prepositus Richardus palmerius Robertus Wido Arnulfus Post hec Geobertus filius predicti Pontii et Aveline conquestus est de venditione antedicte terre Gergulii dicens se hoc factum nunquam laudasse paterque ejus et mater et ipsemet eodem tempore conquesti sunt de terra Brittiniaci fundi et Gyminiaci dicentes se numquam laudasse donum quod Odo Richi miles virziacensis castri et Petrus maniscaldus ac frater ejus Rainaldus monachis cisterciensis ecclesie de predictis terris fecerunt Nam as terras hactenus de ipsis tenuisse dixerunt ante scriptum Odonem et ceteros supra nominatos Propter quos clamores monachi predicti dederunt eis XX solidos et fustanium unum et ipsi videlicet Pontius et Avelina et filii eorum Geobertus et Rainaldus et Acherius ac soror eorum Isabel nomine laudaverunt monachis venditionem seu donum predictarum terrarum Nam sorores illorum Aldevius et Ermengardis tunc temporis erant inscie et pro nimia puericia necdum fari valentes Indulserunt etiam illa die quicquid de terris vel pratis seu silvis vel de aliqua re magna vel parva de monachis illis hactenus conquerebantur Hujus autem indulgentie seu concessionis donum super altare sancte Marie apud Cistercium posuerunt Pontius predictus et Odo cognomento viridis avunculus sepe dicti Geoberti pro se et Geoberto et fratribus ejus Et hi sunt testes Teobaldus capellanus Robertus de Nui Walterius presbiter Hugo Bulgun Leotbaldus de Manni Hugo albus Wido et Milo filii Hugonis predicti Arnulfus fortunatus Odo molendinarius