Charter Document - 06310074
| Charter Number: | 06310074 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1124 |
| Date type: | Assigned |
| Resource Link(s): |
|
Charter:
Benedicta gloria Domini de loco suo qui per presentiam domni abbatis Stephani cistertiensis vere religiosi viri atrebatenses fratres Nobiliaci cenobii beati Vedasti episcopi quondam visitavit et visitando in consortium mutue fraternitatis conjunxit et conjungendo valde ob tam amabile beneficium in Domino exhilaravit Idem vero memorabilis abbas fratrem Oisbertum a pueritia ejusdem congregationis nutritum ut hunc sibi scriberet librum devote expetiit qui paterne obtemperans petitioni devotissime hoc injunctum opus Domino manum ejus regente sic complevit omnium beneficiorum cistertiensis ecclesie ab eodem abbate concessa sibi participatione