Charter Document - 06310067
| Charter Number: | 06310067 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1119 |
| Date type: | Assigned |
| Resource Link(s): |
|
Charter:
Ego Hugo Dei gratia dux Burgundie et conjunx mea Mahaldis rogatu monachorum sancte Marie de Cistercio concedimus mansum quem Ocgerius tenet in villa que vocatur Bulliacus ex toto liberum ut ipse Ocgerius et omnes successores ejus eundem mansum inhabitantes sint perpetuo liberi a nobis et ab omnibus successoribus nostris et ab omnibus officiariis et scutariis bealnensibus et ceteris omnibus quatinus ab hinc nulla exactio vel violentia eis aut rebus eorum fiat Et ut hec libertas eorum omnibus propaletur crucem ligneam ante domum in qua manserint precepimus ut pro signo figerent Quod si quis hominum nostrorum hanc libertatem a nobis decretam nostris temporibus aut heredum nostrorum violare temptaverit et ad nos aut ad heredes nostros clamor inde auditus fuerit ille transgressor legis nostre XX solidos divionensis monete duci tunc temporibus solvat