Charter Document - 06310045
| Charter Number: | 06310045 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1115 |
| Date type: | Assigned |
| Resource Link(s): |
|
Charter:
Ego Guillencus Dei misericordia lingonensis episcopus fidelis dispositor et ordinator benevolus beneficiorum et eleemosynarum que morimundensi ecclesie liberaliter collata cognovi accedo testis et proprii sigilli impressione signator Primum laicus quidam Johannes nomine et habitu et animo religiosus locum Morimundi a domino Odolrico de Acrimonte et ab Adelina nobilissima uxore sua expetivit et accepit Protinus idem Johannes Robertum lingonensem eo temporis antistitem adiit et interventu meo accepta benedictione et licentia locum sibi datum pro viribus et posse fideliter extruxit Post obitum vero ejusdem antistitis predictus Johannes favore usus Joceranni qui Roberto successerat in episcopatum habens insuper consilium domni Odolrici locum susceptum abbati et capitulo Novi Monasterii obtulit et concessit pro emendatione vite melioris Veniensque Stephanus Novi Monasterii abbas suscepit locum ab Odolrico et uxore ejus et ab episcopo et capitulo lingonensi et designatum est ab episcopo Morimundi cimiterium et benedictum [] Tunc predictus Novi Monasterii abbas abbatem in eodem loco constituit virum peri omnia venerabilem Arnaldum nomine precipiens monachis ut regulam beati Benedicti quam didicerant fideliter observarent