Charter Document - 06310043
| Charter Number: | 06310043 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1114 |
| Date type: | Assigned |
| Resource Link(s): |
|
Charter:
Cum Dei misericordia sua gratuita bonitate Novum Monasterium idest Cistercium in Burgundia constructum et regulari disciplina ditaret et copiosa monachorum multitudine adaugeret quidam sacerdos vera religione non mediocriter adornatus Ansius nomine in autosiodorensi territorio degens rogavit domnum Stephanum Novi Monasterii abbatem et monachos ejusdem loci ut in loco suo qui Pontiniacus dicebatur monachis et abbate ibidem collocatis abbatiam ordinarent Qui spe regularis discipline propagande incitati voto supradicti sacerdotis se satisfacturos promiserunt si antistes in cujus diocesi locus ille situs erat amplecteretur Dehinc domnus Stephanus abbas et Ansius sacerdos Autisiodorum venientes causam ordinande in predicto loco abbatie beate memorie Humbaldo episcopo aperiunt Quorum studium laudabile pontifex audiens letissimus redditur magnum se sibique commissos spiritualis boni emolumentum nacturos fere confidens si suo tempore gratia divina sancte regule amatores in suo multiplicaret episcopatu Eo tempore assensu ac dono auctoritateque domni Humbaldi episcopi et totius capituli ecclesie sue ac venerabilis sacerdotis Ansii suscepit domnus Stephanus abbas pontiniacensem ecclesiam ad abbatiam inibi ordinandam Cartam vero caritatis et unanimitatis inter Novum Monasterium et abbatias ab eo propagatas compositam et corroboratam idem pontifex et canonicorum conventus ratam per omnia habuerunt []