Charter Document - 06310037

Notam facimus omnibus presentibus et subsequentibus sancte Ecclesie filiis diffinitionem que inter canonicos eduensis et virziacensis ecclesie et monachos sancte Marie Novi Monasterii facta est de decimis fundi qui vocatur Gergeol Domnus Nargoldus eduensis ecclesie pontifex cunctusque illius ecclesie conventus et decanus virziacensis ecclesie Roclenus ejusdemque ecclesie canonici hoc unanimiter confirmantes concesserunt monachis sancte Marie Novi Monasterii ut pro cunctis decimis fundi qui vocatur Gergeol omni anno reddant clericis virziacensis ecclesie solidum unum et XII sextarios annone secundum mensuram virziacensis castri et unum sextarium leguminis de fabis vel pisis vel lentigulis solidum videlicet pro decimis peccorum et annonam pro decimis illius terre que eorum sunt Hujus annone medietas erit frumentum et medietas ordeum mixtum sicuti in terra illa creverit Si vero tempestate aut qualibet alia plaga predicti fundi vastate fuerint segetes et antedicta mensura in decimis illius terre inveniri non potuerit canonici consuetudinarias decimas in manipulis accipiant Hec gratia pacis et concordie inter clericos illos et monachos facta sunt et de sua propria domo tantum stabilita sunt Nam si tempore presenti vel futuro alii homines seculares qui non sint de familia predictorum monachorum in silva vel in planicie illam terram colere ceperint predictorum canonicorum erit decima Si autem hanc terram bubus colere cessaverint predicti monachi nil tale ab eis requiretur sed si alio quolibet modo eam coluerint congruas decimas secundum laborem predicti canonici a monachis accipient Hoc decretum gestum est in septimana Pentecostes in eduensis ecclesie capitulo Et hii sunt testes Secginus decanus Walterius et Sewinus archidiaconi Otbertus Ingelbertus Hugo de Glana Walterius de Spiriaco Stephanus de Monte sancti Johannis et ceteri ejusdem ecclesie De canonicis vero virziacensis ecclesie Teobaldus capellanus Robertus de Nui Humbertus de Pulmar et ceteri ejusdem ecclesie canonici Post hos Girardus bealnensis Robertus cabilonensis canonicus Geofredus Walo