Charter Document - 06310031
| Charter Number: | 06310031 |
|---|---|
| Cartulary Title: | Chartes et documents concernant l'abbaye de Cîteaux (1098-1182) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1108 - 1119 |
| Date type: | Assigned |
| Resource Link(s): |
|
Charter:
Incipit epistola domni Stephani secundi cisterciensis abbatis de observatione hymnorum Frater Stephanus Novi Monasterii minister secundus successoribus suis salutem Mandamus filiis sancte Ecclesie nos hos hymnos quos beatum Ambrosium archiepiscopum constat composuisse et in hunc nostrum locum Novum videlicet Monasterium de mediolanensi ecclesia in qua cantantur detulisse cum munique fratrum nostrorum consilio ac decreto statuisse ut amodo a nobis omnibusque posteris nostris hii tantum nullique alii canantur et quia hos ambrosianos beatus pater et magister noster Benedictus in sua Regula quam in hoc loco maximo studio decrevimus observandam nobis proponit canendos Quapropter auctoritate Dei et nostra vobis injungimus nequando integritatem sancte Regule quam in hoc loco haud parvo sudore a nobis elaboratam et statutam conspicitis et vestra levitate mutare aut evellere presumatis set magis predicti patris nostri sancti prepositi amatores et imitatores ac propagatores existentes et hos hymnos inviolabiliter teneatis Explicit epistola feliciter Amen