Charter Document - 06310030

Si in amissione tanti boni equales nos reddidit tristitia debilis consolator erit qui indiget consolatione amisistis venerabilem Patrem et Rectorem animarum vestrarum amisi ego non solum Patrem et Rectorem sed socium et commilitonem et in bellis Dei singularem Athletam quem venerabilis Pater Robertus ab incunabulis religionis unica domo singulari doctrina pari pietate nutriverat Deest nobis sed non Deo et si non Deo nec nobis deerit Hoc enim peculiare et proprium sanctorum est dum a vita discedunt relinquere corpus amicis et amicos in mente deferre Corpusculum et singulare pignus dilectissimi Patris habemus et ipse nos omnes pio affectu in mente deduxit et si ipse ductus ad Deum inseparabili amore conjunctus est cum eo et nos qui in eo sumus similiter conjunxit Quid amplius dolendum Felix sors felicior cui taliter contingit felicissimi nos ad talem presentiam evecti nihil enim jucundius eveniri potest Christi Athletis quam trabea carnis relicta ad eum evolare pro cujus amore tot perpessi sunt labores Accepit pugnator bravium apprehendit cursor premium victor assecutus est coronam possessor nobis postulat palmam quid igitur dolemus Quid lugemus gaudentem Quid tristamur super plaudentem Quid moestis vocibus queruli coram Domino pro volvimur si evectus ad sidera dolet de hoc [si dolere possunt Beati] ille qui assiduo desiderio similem nobis deprecatur finem Non doleamus super militem securum doleamus super nos constitutos in prelio et tristes mestasque voces in orationes vertamus deprecantes triumphatorem Patrem ne rugientem Leonem et sevum adversarium de nobis triumphare patiatur