Charter Document - 06300063

Nos Officialis Eduensis vniuersis presentes litteras jnspecturis Notum facimus Quod Cum Raoletus de draceio assedere teneretur viris Religiosis Priori et Conuentui sancti Symphoriani Eduensis viginti solidatas terre ad vienenses pro satisfactione jniuriarum Quas dictus Raoletus eisdem Priori et Conuentui jntulerat claustrum eorundem frangendo et quosdam de Canonicis ecclesie sancti Symphoriani enormiter usque ad effusionem sanguinis verberando ac eciam persoluere dictis Priori et Conuentui uel eorum mandato Sex libras tresdecim solidos et quatuor denarios [vienensium] similiter pro satisfactione jniuriarum jam dictarum prout in litteris reuerendi Patris Girardi dei gratia Eduensis Episcopi [c]ontinetur jdem Raoletus in nostra presencia propter hoc constitutus donat tradit deliberat et assignat [] pro dictis viginti solidatis terre et pro Sex libris tresdecim solidis et quatuor denariis [vienensium] nominatis ac eciam pro decem libris vienensium quas idem Raoletus a fratre Guillermo Priore sancti [Sympho]riani Eduensis habuit et recepit in pecunia numerata prout Recognouit coram nobis Priori et Conuentui supradictis et eorum ecclesie prata sua dou vernoy sita in parrochia de draceio sancti lupi que dictus Raoletus tenebat in feodum a dictis Priore et Conuentu prout idem Raoletus confessus est coram nobis Promisit preterea dictus Raoletus coram nobis juramento corporali super sancta dei Euangelia prestito se per se uel per alium contra dictam donacionem tradicionem deliberacionem et assignacionem jn iudicio uel extra decetero non venire Sed prefata prata dictis priori et conuentui in perpetuum in pace tenere deffendere contra omnes ac eciam contra omnes efficaciter garantire hanc eciam donacionem tradicionem deliberacionem et assignacionem laudauerunt et concesserunt coram nobis johannes dictus vulpillat et hugoninus liberi predicti Raoleti Promittentes scilicet dictus johannes juramento corporali super sancta dei Euangelia prestito coram nobis et dictus hugoninus bona fide se contra premissa uel premissorum aliquod per se uel per alium decetero non venire Sed predicta prata prefatis Priori et conuentui in perpetuum in pace tenere deffendere contra omnes ac eciam garantire Obligauerunt preterea dicti Raoletus johannes et hugoninus in manibus dictorum Prioris et Conuentus omnia bona sua mobilia et jmmobilia presencia et futura vbicunque sint et quecunque de predictis omnibus et singulis ipsis priori et conuentui tenendis in pace et firmitter obseruandis Quitauit preterea dictus Raoletus penitus et absoluit coram nobis dictos priorem ac conuentum ac eorum ecclesiam de omnibus actionibus quas habet et habere potest tempore date presencium litterarum contra priorem et conuentum predictos aut ecclesiam eorundem Abrenunciant siquidem coram nobis dictus Raoletus johannes et hugoninus predicti omni actioni Excepcioni donacionis tradicionis deliberacionis et assignacionis huiusmodi non factarum doli et in factum omni iuri scripto et non scripto tam Canonico quam ciuili et generaliter et expresse omnibus hiis que contra presentes litteras possent dici decetero uel opponi et precipue iuri dicenti generalem Renunciacionem non valere volentes et concedentes quod nos seu Officialis Eduensis qui pro tempore fuerit ipsos ad obseruanciam premissorum per censuram ecclesiasticam compellamus et compelli faciamus vbicunque maneant uel existant et quantum ad hoc iuridictioni Curie Eduensis totaliter se supponunt In Cuius Rei testimonium litteris presentibus ad preces et instanciam dictorum Raoleti johannis et hugonini duximus apponendum sigillum Curie Eduensis Datum et actum Edue anno domini millesimo ducentesimo Sexagesimo quarto mense Decembri