Charter Document - 06300062

Nos magister Nicholaus de luxouio Officialis Eduensis notum facimus vniuersis presentes litteras inspecturis quod in nostra presencia propter hoc specialiter constitutus hugo maior de Curgeio non coactus non circonuentus jmmo prouidus ac spontaneus et pro urgenti neccessitate ac euidenti utilitate eiusdem hugonis ut asserit coram nobis vendit tradit concedit et quitat in perpetuum Guillermo priori et conuentui sancti Symphoriani Eduensis vnam peciam terre contiguam terre dictorum prioris et conuentus ex vna parte et ex alia parte contiguam terre que quondam fuit domini petri de droceon militis defuncti quam dicti prior et conuentus nunc possident et eciam moloziam dicte pecie terre coherentem usque ad Riuulum defluentem subtus moloziam supradictam pro viginti libris vienensium Eidem maiori jam solutis ab eisdem priore et conuentu in pecunia legitime numerata prout idem maior coram nobis est confessus Quam vendicionem tradicionem concessionem et quitacionem dictus maior promittit coram nobis et tenetur per juramentum suum super sancta dei Euangelia corporaliter prestitum dictis priori et conuentui ac eorum Ecclesie in perpetuum in pace tenere deffendere contra omnes ac efficaciter Garantire et contra per se seu per alium decetero non venire hanc autem vendicionem tradicionem concessionem et quitacionem Elisabeth mater et ysabella uxor prefati maioris Girardus et henricus liberi dictorum maioris et ysabelle in presencia petri de colehis Clerici Curie nostre iurati ad ipsos a nobis propter hoc specialiter destinati cui fidem adhibemus et cui vices nostras quo ad hoc commisimus propter hoc specialiter constituti volunt laudant pariter et concedunt et ipsam ratam habent atque Gratam coram petro superius nominato Promittuntque dicte Elisabeth et ysabella ac predicti liberi coram dicto petro per iuramenta sua super hoc corporaliter prestita se per se siue per alios contra premissa uel premissorum aliqua decetero non venire abrenunciant siquidem ex certa sciencia expresse in hoc facto scilicet dictus maior coram nobis et dicte Elisabeth et ysabella ac liberi predicti coram dicto petro omni actionj Excepcionj rei non vendite pecunie non numerate non habite nec recepte doli et in factum maioris precii uel valoris minoris Etatis omni priuilegio in fauorem mulierum tam super rebus dotalibus quam hereditariis introducto ac eciam jntroducendo beneficio restitucionis in jntegrum omni juri scripto et non scripto tam Canonico quam ciuili et generaliter et expresse omnibus hiis que contra presentes litteras possunt dici decetero uel opponi et precipue juri dicenti generalem abrenunciacionem non valere volentes et concedentes scilicet dictus maior coram nobis et dicte Elisabeth et ysabella ac dicti liberi coram dicto petro quod nos seu Officialis Eduensis qui pro tempore fuerit ipsos ad obseruanciam premissorum per censuram ecclesiasticam compellamus et compelli faciamus vbicunque maneant uel existant Jn Cuius rei testimonium ad preces et instanciam dicti hugonis maioris et dictarum Elisabeth et ysabelle ac liberorum predictorum prout idem petrus per iuramentum suum nobis retulit litteris presentibus apposuimus sigillum Curie Eduensis Datum et actum anno domini millesimo Ducentesimo sexagesimo quarto mense septembri