Charter Document - 06300061
| Charter Number: | 06300061 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1262 |
| Date type: | Internal, A.D., Feast |
| Resource Link(s): |
|
Charter:
Ego Guillermus de Maligneio presbiter notum facio uniuersis presentes litteras inspecturis quod ego non ui nec metu nec circumuentus sed sponte et sane mentis existens et etiam sanus corpore tertiam partem decime de Maligne quam ab ecclesia sancti symphoriani eduensis acquisieram tenebam habebam et possidebam ad uitam meam solum modo dono concedo in perpetuum atque quito uiris religiosis fratri Guillermo priori et conuentui sancti Symphoriani Eduensis pro uoluntate eorumdem prioris et conuentus omnimodo facienda Promittens per iuramentum meum super hoc corporaliter prestitum me per me uel per alium contra donationem concessionem atque quitationem predictas non uenire neque in iam dicta tertia parte supradicte decime aliquid reclamare Abrenuncians per iuramentum predictum omnibus litteris quas habeo uel habui a predicta ecclesia sancti Symphoriani eduensis seu a domino episcopo eduensi de acquisitione tercie partis decime supradicte Quas litteras uolo et decerno michi nec alii loco mei non prodesse uel ualere In cuius rei testimonium quia sigillum non habeo sigillum curie eduensis presentibus litteris rogaui et feci apponi Nos uero magister Guillermus de Clemere canonicus et officialis eduensis in cuius presentia hec acta sunt notum facimus uniuersis quod nos ad preces et instantiam predicti Guillermi presbiteri litteris presentibus apposuimus sigillum curie eduensis Datum et Actum edue die ueneris post festum beati [mar]tini estiuali[s] anno domini millesimo ducentesimo sexagesimo secundo mense iulio