Charter Document - 06300058
| Charter Number: | 06300058 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1257 |
| Date type: | Internal, Calendar, Papal |
| Resource Link(s): |
|
Charter:
Alexander episcopus seruus seruorum dei Dilectis filiis Priori et Conuentui sancti Simphoriani Eduensis ordinis sancti Augustini Salutem et apostolicam benedictionem Exigentibus uestre deuotionis meritis uotis uestris libenter annuimus et petitiones uestras quantum cum deo possumus fauorabiliter exaudimus Significastis siquidem nobis quod uos unanimiter ordinastis prestito nichilominus super hoc corporaliter iuramento venerabili[s] fratr[e] nostro Episcopo Eduensi suum ad hoc postmodum prebente consensum quod tu fili Prior et successores tui redditus qui pro anniuersariis in uestra ecclesia celebrandis eidem ecclesie a christi fidelibus erogantur percipiatis et uos filii Conuentus quendam annuum redditum vigenti librarum diuionensis monete in de Anox et de Maiour ecclesiis et tres libras cere in dicta ecclesia de Maiour que percipiebatis communiter de cetero habeatis Nos igitur uestris supplicationibus inclinati ordinationem huiusmodi sicut prouide facta est et in alicu[i]us preiudicium non redundat gratam et ratam habentes ipsam auctoritate apostolica confirmamus et presentis scripti patrocinio communimus Nulli ergo o[mni]no hominum liceat hanc paginam nostre confirmationis infringere uel ei ausu temerario contraire Si quis autem hoc attemptare presumpserit indignacionem omnipotentis dei et beatorum Petri et Pauli apostolorum eius se nouerit [incur]surum Datum Laterani septimo kalendas februarii Pontificatus nostri Anno Tertio