Charter Document - 06300049
| Charter Number: | 06300049 |
|---|---|
| Cartulary Title: | Recueil des actes du prieuré de Saint-Symphorien Autun de 696 à 1300 |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1236 - 1237 |
| Date type: | Internal, A.D. |
| Resource Link(s): |
|
Charter:
Vniuersis presentes Litteras Inspecturis F[redericus] Decanus belnensis Salutem In domino Nouerit vniuersitas uestra quod cum Inter priorem et conuentum sancti symphoriani Eduensis ex vna parte et Gaudricum de layse militem et fratres eius Hugonem videlicet et Hugo[n]em ex altera questio uerteretur super eo quod Hugo predictus de terris quas faciebat excoli in territorio parrochie de culestres que quidem parrochia ad dictos priorem et conuentum spectare dignoscitur eisdem priori et conuentui decimas soluere denegabat asserens cum dictis fratribus suis patrem eorum nunquam eis soluisse sed pro uoluntate sua aut sibi retinuisse aut cui uolebat dedisse Tandem jn nos a partibus extitit compromissum promisso hinc jnde fide interposita quod quicquid jnde ordonaremus jnuiolabiliter obseruarent Et nos de assensu partium ordinauimus in hunc modum quod dicti fratres et eorum heredes de terris quas excolent uel facient deinceps excoli jn territorio parrochie antedicte reddent integre decimas priori et conuentui sepe dictis Jdem etiam fratres sub fide prestita promiserunt quod bona fide facient solui eisdem decimas ab hominibus dicti Hugonis in dicta parrochia commorantibus quemadmodum ceteri parrochiani consueuerunt soluere priori et conuentui supradictis Prior autem et conuentus darent de bonis ecclesie sue septem libras diuionenses Partibus itaque ordinationem istam Ratam et gratam Habentibus ad requisitionem ipsorum presentes litteras jn testimonium premissorum confici fecimus et sigilli nostri munimine roborari Actum anno domini Millesimo Ducentesimo tricesimo sexto Mense aprilis