Charter Document - 06300043

G[alterius] dei gratia Eduensis episcopus uniuersis et singulis presentes litteras inspecturis Noticiam rei geste et ueritati testimonium perhibere Uniuersitati uestre notum facimus quod dominus hugo li camus de arneto in nostra presentia recognouit quod bene didicerat et certus erat per diligentem ueritatis inquisitionem quam fecerat quod nullum ius habebat in foresta nec in terragio alteuallis et si aliquod ius in eis habebat illud ecclesie Sancti Symphoriani eduensis donabat im perpetuum et quictabat Item in omnibus illis que idem hugo quocumque modo tenebat sine partitione eiusdem ecclesie in uilla et in terragio de turellis ipsam ecclesiam per medium im perpetuum accollegit Si uero ecclesia in illa uilla uel terragio uille aliquid per elemosinam acquireret sine partitione dicti hugonis suum esset Si autem uterque uel alteruter ibidem per emptionem aliquid acquirerent rem emptam per medium partirentur inter se sed emptori medietas precii ab altero redderetur uel emptor quousque medietatem precii ab allero recepisset rem emptam sine partitione alterius possideret Item condictum est et promissum quod prior ecclesie sepefate et hugo sepe dictus communi assensu et communi concordia in uilla sepe superius memorata unum ex hominibus suis bauliuum constituent qui utrique ipsorum fidelitatem tenebit pariter et iurabit Preterea idem hugo recognouit Grangiam Sancti Symphoriani et homines de Joeio habere et eisdem si non haberent habendum concessit im perpetuum in bosco tierceran plenum usagium ad calefaciendum ad macheriam et essartum saluis ipsi suis taschiis et suo usagio sicut prius Quod si forte quod absit contra aliquod premissorum uenire presumeret ipsum ad resipiscendum per excommunicationis in eundem et per interdicti in ipsius familiam terram et homines sentenciam compellemus D uxor ipsius hoc totum ratum habuit laudauit pariter et concessit et uoluit sigillari sicut dilectus noster [] prior sancti Martini Eduensis quem ad ipsam propter hoc misimus nobis fideliter enarrauit Et nos ad instantiam et requisitionem partium in premissorum robur memoriam et testimonium sigillo nostro signauimus presens scriptum Actum Anno gratie millesimo ducentesimo uicesimo primo Galterius dei gratia episcopus eduensis dilecto in Christo priori sancti martini eduensis salutem in domine Mandamus uobis quatenus personaliter accedatis ad uxorem domini arneti et loco nostri ab ipsa recipiatis laudem et assensum super hiis de quibus fit mentio in carta in qua littere presentes dependent que sigillo nostro debet sigillari et per litteras uestras nobis remandetis utrum ab ipse nobili muliere laudem receperitis et utrum dictam cartam preceperit sigillari